Антигуа және Барбуда

Антигуа және Барбуда — Кариб теңізінде орналасқан аралдық егеменді мемлекет. Орталық Америкадағы бұл ел Кіші Антиль архипелагының Антигуа, Барбуда және Редонда аралдарын қамтиды. Жер көлемі 442,6 км², 1994 жылғы мәлімет бойынша халқы 81,4 мың адамды құраған. Мемлекеттік құрылысы — британ үлгісіндегі парламенті бар конституциялық монархия. Астанасы және негізгі порты — Сент-Джонс. Ресми тілі — ағылшын тілі. Климаты тропиктік, пассаттық. Ұлттық табыс көзі — қант құрағы мен мақта өсіру және туризм. Мемлекет 1981 жылдың 1 қарашасында құрылған.