Ириш Еркін мемлекеті

Ирландия Еркін Мемлекеті (Irish Free State; 1922 жылғы 6 желтоқсан – 1937 жылғы 29 желтоқсан), сондай-ақ ирландиялық атауы Saorstát Éireann деп те аталады — 1921 жылғы желтоқсандағы Ағылшын-Ирландиялық Шарт бойынша 1922 жылы желтоқсанда құрылған, бастапқыда Доминион ретінде орнатылған ирланд мемлекеті. Шарт Ирландия Республикасының күштері — Ирландия Республикалық Армиясы (ИРА) мен Британдық Тәж күштері арасындағы үш жылдық Ирландия тәуелсіздік соғысын аяқтады. 1922 жылы 6 желтоқсандағы Ирландия Еркін Мемлекеті Конституциясына сәйкес жаңа мемлекет Ирландия Еркін Мемлекеті деп аталды және Британдық Достастықтың Доминионына айналды. Ол Ирландияның 32 округінің 26-сын қамтыды. Қалған алты округтен тұратын Солтүстік Ирландия Шартқа сәйкес өзінің құқықтарын пайдаланып, бөлініп шықты.