Польша

Польша (пол. Polska), ресми атауы — Польша Республикасы (пол. Rzeczpospolita Polska) — Орталық Еуропадағы мемлекет. Жер аумағы — 312,7 мың км². Халқы 37,8 млн. Халқының басым бөлігі поляктар (97,1%), қалғандары немістер (1,3%), беларустар (0,6%), украиндар (0,5%), т.б. Ресми тілі — поляк тілі. Халқының көпшілігі христиан дінінің католик, солтүстік аудандандары протестант тармақтарын ұстанады. Конституция бойынша мемлекет басшысы — президент. Жоғарғы заң шығарушы органы — екі палаталы парламент (сейм және сенат). Астанасы — Варшава. Әкімшілік жағынан 16 войводалыққа бөлінген. Ұлттық мейрамы — 11 қараша, Тәуелсіздік күні. Ақша бірлігі — злоты.